اليتيمة_والمدير_المغرور 1
  • مهم سميتي فاطمة18سنة بنت من حي مغربي شعبي بنت دارنا بكل معنى الكلمة محافظة قصيرة شوية وفورمتي زوينة مغليضاش ومارقيقاش عيون عسلية وكبيرة والرموش مشفرين والفم صغير وديمة فوقيت البرد تيكون لونهم حمر وشعري طويل مي مغتياه بالحجاب حوايجي مستورين ديمة الكساوي بنت وسط جوج دراري وبنت كنا في عائلة متوسطة مهم معندناش ومخصناش ماكنتش كانقرى نقطعت برضاي 
    مهم فلاش باك للور باش تفهمو ديك ساعة كانت العطلة ورغبت ماما وبابا يخليوني نسافر نبدل الجو مهم وافقو ومشيت عند عمتي فمدينة خرا سافرت أكان كولشي مزيان كنت شعبية دغيا كندخل للقلب وكنت عزيزة عند كولشي تالواحد النهار صونا التلفون ديال عمتي 
    عمتي. ألو 
    شخص.الو سمحي ليا الالة واش نتي عمة فاطمة 
    عمتي.ايييه أولدي ياك لباس 
    الشخص. أنا خالها مدي ليا نهدر معاها 
    الخال.ألو فاطمة لباس علييك بيت هي نكوليك عضم الله اجرك عائلتك ماتوا
    أنا.لا (طاح ليا التليفون وفقت الوعي دخلت فغيبوبة لمدة 15ليوم)
    نهار فقت لقيت راسي فكنينيك وعمتي وولادها دايرين بيا 
    عمتي. حمد لله ملي فقتي أبنتي صبري إن الله مع الصابرين 
    أنا.يعني بصح أنا خسرت عائلتي أهى اهى اهى لا ميمكنش إكونو ماتو كاملين كيفاش وقع هادشي( وأنا تنغوت)
    عمتي. كانو أبني تيتعشاو تا طاحت عليهم البيت خصكي تمشي تشوفيهم راه تدفنو 
    وصلت لمدينتي وأنا هي كنبكي وكلشي مات فيا مشيت لقبر والديا أخوتي
    أنا. أااااااه أبابا مشتي وخلتي بنتك بوحدها مع الذياب كندير نعيش وحدي بلا بكوم اهئ اهئ اهئ بكيت تاعييت رجعت عند دار جدة مت بابا حيت كانو فنفس دربنا دخلت كولشي تيشوف وتيخنزر
    جدة.واش غادي تبقاي فهاذ الدار سيري عند خوك فالدار البيضاء راه مزوج 
    أنا.(تصدمت من هدرة جدة )أاااه واخة جدة خليني هي نرتاح ونمشي 
    دخلت البيت صليت وقريت شوية تالقرآن وكولشي بدموع تفكرت ملي كان بابا عايش وكانت جدة تلوحن علينا أكاتكول بلي حنا عزاز كولي هي طمع نعست وأنا قلبي تيتقطع على عائلتي والواقع لي وليت فيه صباح جديد مي نفس الواقع 
    فقت لقيت جدة تاتسناني 
    جدة. نوضي واش مغداش فحلاتك 
    أنا.نضت وشفت فيها وخرجت مشيت لدارنا لي طاحت على والديا وطاحت على قلبي مشيت هزيت شي فلوس وقررت نمشي عند خويا لي بقا ليا فكازا......
  • وصلت لكازا وأنا معارفاش فين أنا دموع فعيني وقلبي باقي مصدوم وبعد عناء طويل لقيت دار خويا لي بقا ليا ولي يسحابلي غادي يطهلا فيا ودرني فعنيه هيهات هيهات 
    خويا. على سلامتك كيف ولتي 
    أنا.(ودموع فعيني) كيغنكون وأنا وليت يتيمة بلا والديا علاش مجتيش تشوفني ملي كنت فالكنينيك
    خويا. تربك وكاليا هي كنت مشغول مع العزايا 
    مهم دخلت عزاتني مراتو وبكيت صليت ودخلت ننعس وباقي كنبكي هما حطوا العشا وتعشاو بلا بيا ااااه الخاوة
    وصلات 10 ديال ليل وأنا نفيق مفزوعة أكانبكي حيت منهار مات ليا عائلتي وأنا هكاك مي تحد مناظ إشوف مالي نضت من بلاصتي مشيت قيمت الليل ودعيت بزاف تنعست 
    أصبحنا وأصبح الملك لله
    نضت مع 8 وجت ليهم لفطور فاقو فطروا طرفت الدار كاملا ونصبت الغدا وأنا كنسمع خويا فاطمة فاطمة
    أنا.نعم أخويا هاني (وأنا باقي كنمسح فيديا)
    خويا. كلسي نكوليك لي نطولوه نقصروه أنا مزوج أبولادي ونتي باقا مراهقة خيف من المشاكل لي غادي تبعك لهذا هي سيرس شوفي ليك شي قنت خرا
    أنا.(تنشوف فيه وأنا مصدومةوعنيا عامرين بدموع)ياااااك أخويا هذي هدرة عندك فين عمرني جبت المشاكل حتى لبابا لي كان ديمة وسط الرجالة كيهدر هي على أخلاقي ياااك انا لي تنكول حمد لله عندي خويا يشد بيا تيحن الله 
    خويا. متتهمنيش هاد الهدرة لي كاين راني كلتو ليك أحاجا خرا
    أنا.قاطعتو عارفاك أشغتكول بلي الورث هزيتيه ليك بوحدك ملي كنت مريضة أراضي والدار لي فالرباط والطوموبيلا أكولشي الله إكثر خيرك أخويا
    خويا. الورث من حقي ودابا سيري خورجي أهادشي كولو ومراتو ساكتة مكادويش هي كتخنزر 
    دابا عرفت بلي بصح بقيت مع الذياب كولشي نكرني عمتي جدة خوالي عمامي خرجت ببيجامة ودموع واليأس كازا كبيرة متنعرف حد البيبان تسدو فوجهي تمشيت شحال وأنا نشوف واحد طوبيس معارفاش فين كاع غادي مهم ركبت للمجهول وملاها ربي 
  • مهم خلصت وكلس وباقي هدرت خويا فدني والدموع فعيني يعني أنا تشردت فين نمشي كولشي نكرني لادار لا عائلة لا ديبلوم صافي بقيت فداك طوبيس تال 7ديال ليل ناس اينزلوا ويطلعوا وأنا فبلاسطي تال أخير محطة ليه سمعت تسسسس وأنا نفيق من الصدمة لي كنت فيها وأنا كانتسنا الناس يهبطوا تا كنسمع 
    الشخص. بشوية عليكوم راه قتلتوني مكاتشوفوش 
    وأنا نقرب من الباب وتبان ليا مرا كبيرة60 طايحة للارض وكتحاول تنوض من الارض كانوا دفعوها وطاحت خرجت بجرا والزحام عاونتها توكفات 
    الشخص.حيدي يديك ياشفارة شفتيني شارفة وباغا تشفريني 
    أنا. يهديك الله الحاجة بينا فيا شفارة نوضي نوضي نعلونك
    الشخص. سمحلي ابنتي مبقا حد تيدير للخير هانتي تشوفي دفعوني وخلاوني هنا مرمية
    أنا. نوضي شدي فيا أش خرجك فهاد لليل فين نديك الحاجة
    الشخص. هي مشاغيل الدنيا ابنتي ديني لهاد لعنوان 
    أنا. واخا الحاجة (وأنا فقلبي خوف كبير لنطيح فشي مشكيل)
    الشخص. هانتي ابنتي وصلنا 
    كانت دار صغيرة فواحد العمارة فحي صغير دخلنا ليها فيها جوج بيوت وكوزينة طواليت وصالون واحد لبلاصة للاكل مجهزة وزوينة ديكور مغريبي بسيييط 
    دخلت حيت ليها الجلابة وهيا تكول ليا 
    الشخص.سمحليا ابنتي على كبيلة وعلى المساعدة 
    أنا.مكاين باس الحاجة 
    الشخص.سيري ابنتي لداركم غادي ايكونو مشطونين علييييك بزااااف
    أنا.(هي كالت والديا فادو عنيا بدموع )وكتليها والديا الله يرحمهم
    الشخص.سمح ليا ابنتي كلسي أعاودي ليا مالكي مهم أنا سميتي الحاجة أمينة 
    كلست عاوت ليها على موت والديا أخوتي على المعاملة ديال طاسلتي وعلى خويا لي نكرني ا
    أنا تانعاود والبكا تا بكيتها 
    الحاجة أمينة. الله يابنتي الله اشهدشي وقع ليك إيييوا أنا مرا وحدانية معندي حد فهاد دنيا إلى غادي ترتاحي عندي بقاي نتوانسوا أمايخصك خييير معايا
    أنا. لا خالتي مغاديش نتقل عليييك دابا يفرج ربي 
    الحاجة أمينة. والحمقة واهاهوا فرج علييييك نتي كيما درتي فيا خير أنا نردو ليك ونتي كاتشوفي أنا مرا كبيرة وماغادي نصيب فقبري هي لخير 
    وهي تقرب وتعنقني
    اااااااااةه شحال معنقني شي حد حسيت بالامان فحضن المرأة لي لواحيدة عاوناتني 
    بعد بكاء طوييييل وراتني البيت لي غيولي بيتي كان صغير وزوين فيها ناموسية صغيرة مفرشة بالبيض وماريو صغير مهم زوينة دخلت دوشت مدات ليا حوايج وبدلت توضيت صليت ودعيت الله على هادشي حيت مخيبنيش ومخلانيش نتشرد 
    يتبع....

تعليقات

المشاركات الشائعة من هذه المدونة