•  قبلة دمرت حياتي 1
•  تا جاتها صندالة فراسها .. فاطمة: ولله لجدك وماتنوضي تغسلي دوك لماااعن وترجعي كوزينة كتشعل تا نهرس عليك داك لمشقوف ... رينااد سمعاات لمشقوف وعارفة مهاا ديرها حيت فاايتة دارتها ناضت بلا عكز كتجري .. وطلقات مزيكا وبدات تغسل وتشطح تا سالات ... فاطمة: رينااد شغت ختك تعطلات صيفطناها لمخبزة كلسات عام ...ريناد فخاطرهاا (رها مع داك تامل 😂...): دبا دجي اماما راك عارفاها كتبقى مع امال وبنات درب وكتنسى راسها ... فاطمة: شي نهاااار تقتلوني اما شيب راكم خرجتووه ... رينااد :بديينا الكاسيطة عاوتاني واهي وانا مالي علاش كتمعيني لهضرة 😟 وهادشي مادرت انا واالو ... فاطمة : نوضي قلبي على ختك قبل منبرد فيييك هاد جنون تاع يك لمسخوطة 
• مشات خدات جلابتها فالغووز وكلاكيطة وجمعات شعرهاا ديل الحصاان ...وهزات طيليفونها وهبطات ...تلاقات شروق: واافين العشيرة غبرتي قلت غا سافرتي ..رينااد: لي بحالنا كيسافرو .. غا فهااد دار ونتي صافا بعداا .. شروق : الحمد لله هاد ساعة ونتي .. رينااد : بيخيير ..اجي مابانتش ليك ختي !.. شروق: هه تلقايها مع خونا فالكرونة .. ريناد: واعرفناها معاه .. من صباح وهي خارجة وماما بدات تصبط فيا وانا مادارت ليها والو ... شروق: وا غاساعفي معها راه كتبقى ماماك اصاحبتي .. وشنو نقول انا لي ساكنة مع خالتي وديما حارتة عليا فهاد لوقيتة لي كنلقى راحة ونخرج لدرب نكلس مع لبنات ... ريناد : ودوك شيخاات تاع بناتها اشكايديرو .. شروق: هههه اودي سلاك الله يسهل عليا نتزوج نمشي نخوي من هنا .. ندى: لله يسهل علييك .. يلاه تهلاي نمشي نقلب على ديك دايعة ... بقات غادا فطرييق لي دايا لمخبزة لا تبان ليها حياة مي والو .... ريناد تعصبات ... شوية كتبان ليها حياة جااايا وكتمسح عينيهااا ... وقفاتها .. ريناد : مالكي كتبكي ... اشنو وقع ياكما دابزتي نتي وداك لمكبوت .. حياة كتبكي ..ريناد : وااادوي ازمر ... حياة: تفارقنا هىء هىء راه خطب بنت خالتو وغادي يديرو لعرس فهاد يامات ... ريناد (تصدمات) اويلي عى هاد ياماات كيفاش ..وعلاش .. حياة: كتمسح دموعها : كاان عندك لحق معمرو كان ناوي يتزوج بيا انا تقت بييه وسلمتو قلبي مي هو قاليك غلط مع بنت خالتو وباش يصحح لغلط تاعو خاصو يتزوجها .. ريناد : اويلي على لمكبووت لي وو تفو لله يخليييه بالخلا ... مسحاات ليها وجها وعنقاتها .. : صافي احبيبتي يمشي يتقود وربي يجييب ليك شي تيتيز بحال الحب تاااعي .. حياة: قاودي نتي واش انا كنقوليييك ايتزوج وتفارقنا عاميين عامين اريناد مشات هىء وعنقاتها وريناد كتسكت فيها تا بردات ومسحااات دموعها و طلعو لدار .. دخلو وبدات فاطمة بالهضرة .. : ادييك الدايعة فين كنتي .. فين الخبز ... حياة: مالقيتوش ودخلات لبيت ... فاطمة : مال هادي عاود يلاه كانت مزيانة .. رينااد : معرت ... وتبعاتها لبيت لقاتها طالقة { ويلي ويلي شداني نخالي قلبي يبغييك .. ويلي ويلي كانعاني نعاني من شوقي لييك} ... رينااد : طفي طفي عاوتاني ترجعي لكأبة على بحال هداك ..
• رااه عندك 19سنة وطالعة 20سنة ... نساي زبل فين هدفنا فالحياة اننا نكملو قرايتنا ونخدمو ونشريو لمامانا دار ونرجعو ليها وخى غا شوية من داكشي ... وهاداااك راه ربي مابعدو عليييك تا ما فيه خيير هاد عامين مقدرتيش تعرفي عليه مي دبا بان ليك راه خانك احياة خانك مع بنت خالتو وغلط معهاا صافي لله يعاونو وهاد دموع ولله ميستاهلو عاد لعوينات يبيكيو على بحال هاداك ... حياة مسحات دموعها وبقات كتشوف فيهاا.. حياة: مي انا كنبغييه ومكنتخايلش شي وحدة من غيري معاه ... رينااد: هو غلط مع بنت خالتو وخاصو يصحح غالاطو صافي لله يسهل عليهم ربي ايجيب ليك ما حسن وغادي ينسيك فهادا واصلا هادا لا خدمة لا زمر باش بغيتيه يعيشك .. اتلقايه دبا غا واليديه لي غادي يصرفو عليهم .. حياة دمعو عويناتها وعنقااتها ريناد ... دخلات فاطمة عليهم بقات كتشوف فيهم هي وخى صارمة فالمعاملة معاهم ومكتبينش ليهم ديك لمحنة لي كيحتااجوها بناتها ... فاطمة : انوضو توجدو لغدااا تغداوه انا غادا لخدمة ... حياة: وخى اماما خرجات فاطمة لخدمة وحياة و ريناد ناضو وجدو لغدا كلاو غسلو لماعن وكل وحدة شادة قنت كل وحدة وفاش كتفكر ..رينااد فحياتها ومستقبالها وماماها لي كظل تخدم على شانهم ديما وحياة كتفكر فدري لي بغاتو من قلبها وتكدب على مها باش تخرج تلاقا معاه صدق خانها مع بنت خراا وغلط معاها وخاصو يتزوجها