قبلة_دمرت حياتي 3

• ❣المغرب بضبط كازا❣ وصلو لبنات اخيرا فرحو حيت ولات لافي عنده دبا بالاخص انهم مفاهمين مع بنات خالهم وفاش كيتجمعو بربعة غا لله يحضر سلامة خرجو من لاGااار لقااو خالهم احمد كيتسنااهم ناضت ريناد كتعنقو عادي مطلوقة معاه لعكس تاع حياة لي كتحشم ومع بنادم لي مكتعرفش راها حدودية ... سلمو علييه وركبو معاه فطوموبيل وتحرطو لبنات فرحاانين وريناد شادة هي وياه لحديث هه على لكورة ولرازيل وكتعاود ليه اشنو دلرت لبرازيل مع بايير 😂 احمد: هاي هاي وليتي كوايرية ... ريناد(فخاطرها:هو لي ردني كوايرية حفظت صحابو كاملين ..) : هه وشوية وصافي ... احمد لاحظ بلي حياة غا ساكتة وماشي هنا .. احمد: غرقو ليك باطوياات .. حياة عاد عاقت براسهاا : هه لا غا كنفكر فماما خليناها بوحدها ... ريناد : دبا تجي عندها جارة لي حدانا تكلس معاها ... احمد: يلاه هبطو وصلنا ... ريناد هبطات وهي كتشوف لحي لي كان راقي شوية وفيه غا لعماارات .. هبط ليهم الخال سيكان ودخلو لواحد لعمارة (Résidence AYä) متكونة من 5 تاع طوابق ومافيهاش لبشري بزااف دخلو طلعو لطابق لولاني و حل ليهم لباب سيف الدين وعنق ريناد .. سيف الدين فعمرو 17سنة مي طويل زعيعر كيشبه لرينااد بزاااف بالاخص فالعوينات كباار ومتفاهمين تعانقو وهي دجي روايداا فعمرها 23سنة طويلة شعرها كااري ملامحها ما بيهمش عنقات حياة بقاو يتسالمو دخلو لدااخل لقاو ترياا مرات لخال مرة طيبة بزاااف وكتحمااق على لبنات وحاسباهمم بحال بناتها ... رينااد: فيين سرااب ! مابانتش لي .. تريا: مشات تسخر دبا تجي ... ايوا احياة مالك ساكتة هه باقا بنفس لعادة ..حياة : ههه هاحنا اخالتو ونتي كيدايرا باقيين رجلين كيضروك بقاو يهضرو وهي دخل سرااب بنت ضعييفة وقصيرة ماكاين لا طغمة لا صدر هه كي كميشة شعر حد لكتااف ملامحها كتشبه لخال بزااف فعمرها 20سنة .. جات تعنق فالبنات وتبوس ورينااد وسراب مفاهمين وفاش كيتجمعو غا لله يخليها على لله بالاخص ان سراب طايحة فصاحب لكواايري هه وفاش كتشدهم لحالة كيبقاو يتصيفطو لبعضياتهم تصاور تااع لكوايري وصاحبو اي حاجة حطوها هما لولين كيشوفوها احمد: يلاه انا غادي لخدمة تال ليل ونجمعو ورتااحو وخرج وتريا مشات دير اتااي بقاو لبنات فصالة مجمعين وسيف شاد معاهم نااب
• سراب: نوض الخرا ونتا لاصق فشغل لبنات تفو نوض سير راه صحااابك كيتسناوك سيف الدين: انضربك نتي ديها فرااايك سراب: ماما هضري مع ولدك .. تريا من كوزينة : اجي اولدي تسخر ليا ومشى كينكر .. ... سرااااب:تفو لصقة تا هو .. اجي نتي واش بصح جاي .. شفت داك بوصط ي كانت دايرا صاحبتو ... مي حيداتو مفهمت والو .. ريناد: اويلي على حيداتو 😳 فوقاش وعلاش ..سراب: ههه قبايلا .. توحشتك هه عقلتي فاش كنا كنقولو انا نتزوج امين ونتي ليث .. رينااد:ههه وعقلتي .. قاطعلتهم حياة: باقيين كتحلمو راه 2017 ابنادمات وكبرتو.. روايدا: هه وا مفخباركس بلي الاخت محترمة صيفتات ليه ميساج .. ريناد: اوااااااه تغو علييك مقلتي لي والو ..سراب:شوووهىة غا سكتي طلع vueوماجاوبش بغيت نتصطى .. حياة: هه تلقاي تا هادي مصيفطاه ... ريناد: فالحقيقة صيفطو 😒شحال هادي وتانا طلع vue مي ماعاوتش صيفط حيت غا نتغدد بالاخص فاش كنشوفو اونلاين .. جات تريا وجايبة صينية وصقلو 
• تريا حطات دااكشي وجابت لحلاوي ولملاوي ولحالة وكترحب بالبناات .. كلاو وسالاو ... سراب : نوضي نمشيو لبيتي .. ريناد: هي لولا ... مشاو لبيت دخلو... سراب : عرفتي غداا كاينة حفلة واحد لولد جاب لي لي زانفيط 2 وعارفة روايدا وحياة ماغايبغيوش يمشيو لدوك لبلايص .. ريناد: حفلة ديالاش بعدا ... سراب: معرت حفلة وصافي هادشي لي عارفا ... ريناد: وبغيتيني نمشي معاك 😕 .. سراب: ماشي بغيت راه اتمشي .. وكاينة شيشة ابنت لعبد😋 .. ريناد: بديتي تشيشي 😑.. سراب: وااه ناري واعرة بالاخص تاع تفااح ويلي غدا وجربي ريناد: لا لا منمشيش ومابيتش نجرب .. سراب: بفف مالك باقا قديمة فعقلك ازمر اشنو فيها لا شيشتي عادي ما هو كارو هاهو معجون وعاد ريحتو زوينة ... غاا تجربيه يعجبك😉.. ريناد: تانشوف انا بغيت نمشي لموول.. سراب:لمول من بعد ... بقاو مجمعين تغداو وضرباتها ريناد بنعسة تال 7تاع لعشية حلات ريناد عينيها وصلاتها شي نوتيفيكاصيو ... لقاتو حاط طوف فالمطار تاع سلا .... بغات تصطى تغوت وتشطح ... ريناد: وااجا جاا جاا ولله تا جااا 😍😍 حبيبي جاا .. دخلات عليها روايدا: هه امالكي .. رريناد: جاا الحب تاعي كاين فالمغرب 😋 .. روايدا: هه وااع تا جيتي نتي لكازا هو عاد جا لرباط.. ريناد عااااد طلع معها لقالب وحسات بشمتة .. وخى عارفا راسها ماغاتشوفوش .. مي كانت عاطيا راسها امال .. مي فقداتو فاش جات لكازا وميمكنش تقول لمها ترجع فليلتها .. ريناد صخطات وتقلب عندهاا لموررال ... خرجات لابسة بيجامة بشورط وتيشورط .. وجامعة شعرها و عاقدة حجباانها الخال: مال حبيبت خالها مالها .. روايدا كضحك وهي مهبطة راسها ... ثريا: ياكما قصتيها ولا قلقتيها اسيف.. سيف دين: لهلا يطيح علينا شي بطل فين شفتها من لغدااا ... حياة: هي هكاك منين كتفيق ديما مغوبشة سراب كتنغز فيها وكتهضر بشوية:مالكي ... ريناد: ليث جاا لربااط... سراب فهمااات لبلان :يدك فيه هه نتي لي جايا لهنا ههه عادي غدا تمشي لحفلة تنساااي ليث وماجا منو ... ريناد: نتي ابنت طيط ماطايحة لا فامين لا زبل غا كالسة مطلعاها عليا وعلى راسك ... سرااب: 😒 دبا نهضرو بصح واش امييين رجل الاعمال ايشوف فيا انا وبهاد لحالة ونتي ليث ليث لي لبنات كيتصطاو علييه ويمووتو عليييه ومصاااحب مع ملكة الجمال
• _سلماات علييه يارا وهي لابسا مايو دوبياس فشيبي ... جامعة شعرهااا شفنجة .. ليث: فين لارا ولوخرا .. ياراا: مشاو لجيهت جردة من لهيه كيهضرو ... ليث: همم يلاه انا غادي نرتاح تال عشية ونتلاقاو يارا: بلاتي بلاتي ... خدات طيليفونو وضربات مع سيلفي وصيفطاتها لراسها فالواتساب .. وباستو فحنكو ورجعات لابيسين كتجري بصبيعات رجيلاتها وخايفة لا تجيب ربحة ... ليث بقى كيخرا علييها بضحك ومشى طلع .. هو مفااهم مع يارا كثر من لارا ... لاراا متكبرة وحيت عزيز على الاء بزااف مكتحملوش ... لعكس.تاع يارا تكلسي معها غا جوج دقايق تولي تبغيها وبراءتها وخى تواااام كاين فرق بيناتهم ... دخل ليث لبيتو لقاه موجدينو كيف وصاتهم الاء وتلاح على كرشو وطيلي فيدو وكالس يلعب فيييه ودخل قلب فلي ميسااااج ورجع يشوف لماتشات شكون لعااب هاد شهر بقى هكاك تا نعس .... ❣عند ريناد ❣ من بعد ديك ليلة لي كانت عابسة وماراضياش قررات انها تنسى ليث وخى هي حد الان مكتبغيهش كيف كتقول غاا معجبة بيه بشكلو طريقة لعبو ملامحو ولباااسو اي حاجة كتهلق بييه لدرجة حافضة جميع لماتشات لي لعب وشحال مااركة وفين وساعة كلشي مي من بعد ما هضرات معهاااا سرااب قررات انها تولي تنسااه حيت كيبقى لاعب براازيلي مشهور وهي ريناد بنت فاطمة لي كتبيع لحلوة ولمسمن باش تعيش بناتها ... جاا صباح جديد صبااح مشرق سماا صافية وشميسة كاينة ... فاقت ريناد غير عادتها وانها غاتحاول تنسى ليث ... لبسات كسيوة فايتة لفخااد فالزرق ودارت لكحول لي بينو ليها عويناتها كثر وكلوس وخلات سراب وحياة ناعسين خرجات لصالةن لقا روايدا والخالة ثريا كيفطرو اما الخال فراه تحرك صباح بكري لخدمتو .. وسيف باقي ناعس ... روايدا : شفت مابقااتش لغوباشة ... ريناد : ههه ضروري انا جايا باش نضحك ونشط 😋صباح نور بعدا .. ثوريا: صباح نور كلسي فطري .. كلسو يفطرو ويهضرو وتحط ثوريا لريناد قدامها تسناو تا صحاب لحال فاقو فطرو رواايدا: اشنو بان ليكم نمشيو لبحااار .... ريناد : اه اه ... سراب بشوية: والحفلة .. ريناد:ياك لحفلة تال ليل ايوا صافي نمشيو نتبحرو فليل نمشيو لفين بغيتي ... ثوريا: مم وخى نيت نديو غدانا نتغداو تمااا ... ناضو لبنات تعاونو جمعو دار سيقو وثوريا كتوجد لغدااا سالاو كلشي
•