• اليتيمة_والمدير_المغرور5
  تغدينا مي فاطمة باقا مقلقة معرفتش أش ندير شوية نشوفها كتشوف شي بالونات كبااار مشيت شريت ليها 6منهم 
  مراد. لبكايا ديالي هاكي شوفي 
  وريتلها البالونات تفتحو عنها من لفرحة خداتهم بلا حتى متشكرني كانت وسط دوك نفاخات بحال شي دري صغييييير فرحانا 
  رجعنا لدار اسبوع كامل هي لخدمة والدار تشتطور فعالاقتنا تلواحد نهار رجعنا من لخدمة تعشينا وكان الحال باقي باش نعسو قتارحت عليها نشوفو فيلم
  أنا. لا أنا مبغيتش نشوف فيلم رومنسي معااااك لا نشوفو كوميدي
  مراد. مافيا لي يضحك لا مبغتيش نشوفو فيلم روعب
  أنا.(لا اسيدي ربي كنخاف مي إلا كلتها ليه غادي يبقا يضحك عليا)أوووك نشوفوه أصلا شفت بزااااف تالافلام تالرعب
  مراد. هههههه بحال اش مثلا
  أنا. (وأنا كنتفتف )وبلا عياقا دير لفيلم
  دار لفيلم وانا مرة نغطي عنيا مرة نهز مخدة مهم ماشفت والو من لفيلم حتى سالا 
  أنا. هالفيلم سالا شفتي تفرجت فييييه 
  مراد. ههههههههه نوضي تنعسي نوضي 
  عند مراد
  ضحكاتني كاع متفرجات فين ما تكون شي لقطة تسد عنيها مهم نعسنا شوية وأنا نسمع الاخت 
  فاطمة. مراد مراد مراد
  أنا. مالكي لاش جايا عندي لبيت 
  فاطمة. عافاك أجي بقى معايا تنعس 
  أنا. سيري سيري تنعسي شفتي زعما كون شفنا رومنسي كون راك دابا ناعسة 
  فاطمة. عفاااااااك الميمة
  أنا. لا أجي نعسي حدايا
  فاطمة. تفووووو على مكبوت 
  نفرش فالارض
  أنا. لا فراشي مبغيتش إتفرشو فالارض 
  فاطمة. مسموم مهووس نظافة نجيب فراشي 
  أنا. لا مبغيتش فراشك إدخلو عندي لبيتي 
  فاطمة. تفوووو على مسموم 
  جاااااات تكات حدايا غي بشوية وهي مترددة 
  فاطمة. والله وتقيسني تاندبحك وأنت 
  عند فاطمة 
  منبعد مشفت لفيلم خفت ونض لعندو مي حلف لاعوني تا تكيييت حدااااه وأنا خايفة شوية وأنا نسمع شي أصوات
  أنا. مراد واش سمعتي
  مراد. اااااام شنو ماسمعت والو خلنا نعسو 
  أنا. مراد سمع سمع 
  دار عندي بجهد تا خلعني
  مراااد. وانعسي خلينا نعسو
  نعست مي باقا خايفا
  أنا.مراد واخا نشد فحوايجك 
  مراد.(طان لابس سروال سبور وبييييل سماطي )
  شديت فييييه ونعست تالصباح
  عند مراد
  عرفتها خوافة داكشي علاش بقيت تندير أصوات باش تقرب مني وبالفعل قربات وشدات فيا تنعسات فالصباح فقت لقيت راسي معنقها وهيا باقا شادة فيا وأول مرة نشوفها هكاااك كانت ملاك بحجابها 
• فقت لقيت العتروس الزعر محوطني بيديه بحال إلا غادي نهرب معجبنيش الحال نترت راسي منو وخرجت وأنا باقا تنتفكر الفيلم والخلعة دوشت وجد الفطور عاااااد مولاي السلطان فاق لابس ومسيكسي أنا مت أناتزعط لابس تيشورت فالبيض وسروال كحل ولافيست فالكحل وبرودكار والمكانة أما الريحة أنا مت طرت مي شديييت فراسي فطرنا خرجنا ومشينا للخدمة ملي وصلنا قرب ليا وشد يدي
  مراد. بااااش نبانو مزوجين
  أنا.(كانحاول نفلت يدي) وطلق شوهتنا راه كولشي عارفنا مزوجييين
  والو أنا نجبد وسيد عااااد ما جهل مهم دخلنا كلشي كيشوف والخدامة نزلو علينا جيتو مع بعضياتكم 
  مهم تفرشت ملي وصلنا حدى لي بيرو ديالنا تحنا باش يبوسني فخدي مي طربت لكرش
  مراد.(وباقي محني عندي وصل لودني) هههههههه هي زكاي مغاندير والو 
  تبسم ودخل 
  مشييييت لمكتب كل شوية يشوف فيا ويخمز وأنا فييين ما خمزني كنخرج لساني😛هههه شوية وهو يعطلي على ود الخدمة مشيت عندو بقينا خداميييين تا جاه إتصال
  هو. ألو ماما كيدايرة
  خالتي.ولدي لاباس بغيت غير نكوليك راه عمك ووليدات جايين هاني فالفيلا ديالنا 
  وأنا كنت تنسمع شيرت ليه بيدي
  أنا. لا منمشيوش حيييت غادي نعسو فنفس البيت وأنا مبغيتش
  هو.(ضحك ضحكة ماكرة) ماما راه جاييين فاطمة متشوقة تجي تعرف على ولاد عمي ههه
  أنا. الله إلكيها ليك الله يعرفك على جنية كحلة المكبوت كرهتيني حياتي يييخ
  خرجت وزدحت الباب خليتو كيضحك 
  سالينا الخدمة مشينا للفيلا ليغادي نشوفها أول مرة 
  ماهذا وااااو قصر كبير دخلنا كان مفرش فراش عصري وفراش تقليدي صالونات كبار زليج ورخام وااو مهم تعرفت على البنات والدري شيماء ايمان مهدي كولشي فرحاااان تعشينا مشات خالتي تنعس أنا صليت وهبط لقيت كولشي تيتفرج مهم سالا لفيلم ناض مهدي بغا ينعس ووأنا نسمع مراد
  مراد. فاطمة نوظي نعسو
  أنا. عفاك خليني ننعس مع البنات اليوم بليييييز 
  شيماء.خليها أخويا.
  وأنا عارفة بلي مغاديش إخسر ليها الخاطر أنا المهم منعسش حداه😛 خرجت ليه لساني شوية وأنا نحس بشي حد شدني من خصري وهزني 
  مراد. ختي شيماء كلامك أوامر مي مراتي بغيت تنعس حدايا بونوي دراري
  وأنا تزنكت حشمت من دراري 
  البنات. هههههه م الحب
  مراد.ايييوا شنو راه مراتي
  وأنا كنتركل وكنضرب فيييه
  أنا. وطلق حطني حشمتيني طلقني حرام عليك متقسنيش
  مراد. (طالع فالدروج) زكااااي راه وصلنا
  دخلني لبيت وحطني دخل بدل حوايجو وأنا خلاني كنسب ماعندي منلبس
• عطاني بودي نلبسو تحشيت ففراشي ودرت عندو
  أنا. والله وتقيسني تنقجك
  مراد. (تبسم)أوك
  نعسنا فقت لقيت العتروس خانقني ماشي معنقني نترت راسي منو وخرجت نزلت وأنا نلقى كولشي تيشوف فيا لبنات عاودو كولشي لخالتي غي دخلت تفركعو بضحك بقينا شوية والو مولاي سلطان باقي مهداه الله ينزل 
  خالتي. فاطمة نوضي ابنتي عيطي لراجلك
  أنا.واخا
  غادا وكنسب دخلت
  أنا.مراد مراد أداك صكع فينك راه كيتسناوك تهبط 
  والو مجاوبش يالاه كيبغيت نخرج وأنا نشوف لباب دلحمام تحل وخارج منو ممتي لابس هي شورت قصيرة والفوق عريان وباقي فازك وكمسح فشعرو واللعضلات 
  درت بزربة سديت عيني
  أنا. والزمر لبس حوايجك شحال وأنا كنعيط تكول متي
  شوية وأنا نحس بشي يد حوطات خصري وييييلييييي فازك وفزك ليا الحجاب بشعرو وحوايجي بالجسم ديالو
  مراد. حبيبتي مكتفطرش بلا بيا
  أنا (نترت راسي منو وباقا ساد عيني ) وطلق مني راه ماماك لي كتليا نعيط ليك 
  نزلت بزربة هي شافوني هاكا حالتي فازكة ومولاي سلطان هابط تيمسح وهما يبداو الضحك فهمو غلاط فهمو غلاط فطرنا ومشينا أنا وياه لخدمةمشينا للخدمة وأنا باقا حشمانا من كدشي ليوقع مهم دخلت بقيت خدامة شوية بانت ليا واحد الانسة دخلات عند مراد معرفتش أش وقع ليا مهم درت السبة بالخدمة ودخلت لقيتها شد ليه الوجه وكاتحاول تبوس فيه دخلت بلا مندق
• كانت واحد سفرييييطة دار فوجها تعريجة بالمكياج ولابسة كسوة ديال دراري صغار ومشبكة من لكدام كون هي حيداتها ههه
  السفريطة. كيس كيس باس سي كي اشكديري هنا خرجي عليا
  مراد تبدلو فيه الالوان 
  أنا.ديزولي مدموزيل راه هي جبت الخدمة لمسيو
  السفريطة. مراد شكون هدي
  يلاه بغا يكول مرتي قاطعتو
  أنا. لاسيسطونت أمدموزيل
  السفريطة. أوك خرجي
  خرجت والدموع فعيني مي معرفاش علاش خرجت من الشركة وتميت غادية وهو يجي مراد
  مراد. فاطمة واش غرتي 
  أنا. غرت سير سير بقا تحلم
  مراد. هذيك راه هي
  بغا يشرح وقطعتو
  أنا. متيهمنيش شكون هي كون هاني عادي علاش شكون أنا... أصلا عام ونطلقو نتى بني حياتك وأنا غنشوف ليا معامن
  مكملتش هدرتي تا كنسمع صلاااااااق والله إييلا طرشني ولد الهم طحت للارض وشد فديا تا زيرها وأنا كنبكي
  مراد. هاذييك ما بيني وبنها والو ونتي مرتي والطلاق مغاديش نطلق وتعاودي هاذ الهدرة مزال نقتلك
  تصدمت نترت منو يدي وهربت مشيت لدار نعست جا دخل عندي مدويتوش وماديتهاش فيه دااااز أسبوع وأنا منخلاه مكندويييش معااااه كيحاول مي والو
  صباح جديد نضت دخلت دوشت وخرجت باش نلبس حوايجي خرجت هي بشورت قصييييرة وسوتينات وشعري مطلوق وفازك وأنا حدا لبلاكار تنقلب تكنسمع 
  مراد. أووووه ميكود باش مزوج بغيييت حقي 
  أنا. شفتو تبلوكيت تا شاف كولشي عاااد فقت تخبيت فالباب ديال المريو
  أنا. خرج عليا المكبوت برا 
  وهو تم جاي كيقرب
  أنا.متوصلنيش سير خرج نبدل عليا
  مراد. بشرط.
  أنا. شرط (بالغوات)
  مراد. سامحيني عافاك
  أنا. مسامحااااك هي خرج
  مراد. حلفي
  أنا واخرج برا
  خرج وضحك فوجهو وأنا لبست دغيا وتكمشت فبلاصتي
  أنا. ناااااري مبقيتش غادي نخرج من البييت صافي شاف كولشي 
  عند مراد
  وجت الفطور كلت نعيط ليها لربما تسامحني دخل لقيتها عريانا وأول مرة نشوف شعرها والجسم ديالها بقييييت ساهي فجمالها تابدات كتغوت مهم سامحاتني
  عند فاطمة 
  دازت يوماين وأنا كنتهرب منو باش ميشوفنيش حشمت منو بزاف
  يتبع...