• قبلة_دمرت حياتي 4
• وصلو لدار دوشو لبنات ورتاحو وصلات ديك 8 حياة نعسات وروايدا راسها دارها سراااب : ماما سلوى عندهاااا حفلة ... ثوريا: ومن بعد سراب: انمشي انا وريناد ... ثوريا: لا ليل وشكون يرجعكم ... سراب: وهي اتجيبنااا ... ثوريا :يجي باك قوليهالو ... عيطات ليييه وطلباتو وكلسات تحلون علييه وفالخر قبل على اساس ميتعطلوش ... مشاو طيارة لبيت سراب:شوفي لبسي غا دجين تا نخرجو وفالسانسور نلبسو لكساوي .. ثوريا :علاش ياك عادي ... سراب: وازمر راه روايدا اتعيق ماكاين لا سلوى لا خراا ريناد ل: اووف امري لله زيدي ولبسات Xفالبيض ودجين فالزرق وكويرة من لفوق وسبادري وهو يصوني طيليفونها شافت نمرة تاع مهااا جاوبات : ماما .. حسناااء (جارة ساكنة حدااهم ): الو ريناد .. ريناد:حسناااء فين ماما ...حسناء: ماماك اختي طااحت سخفات قداام لباب و ددينهاا لسبيطاار ولكن ... ريناد(غوتات) اويلي ماما اشوقع ان صبيطار علاش ..بقات تدخل وتخرج فالهضرة دار كاملين سمعهوووها وجااو .. ثوريا: مال فاطمة .. ريناد :هىء ماما .. حياة: مااال ماما دوي ... ريناد : فصبيطااار هىء هىء ماما وااقعة ليها شي حاجة هىء هىء ثوريا: ياربي سلامة سييف عيط لباااباك دغيا قوليه يجي ... عيط سيفالدين لباه ولي سمع لخبار جا بسرعة لبرق و مشاو كاملين شدو طريق لسلا ولخوف مسيطر عليهم وغا كتبكي حياة وريناد.. وصلو تال 10 تاع ليل نيشان لصبيطار ابن سينا لي معروف بالسويسي ... دخلو لمستعجلات لقاو حسناء كتبكي وراجلهااا وجارتها لوخراا تا هي تماا .. ريناد: فين ماما كيفاش وعلاش .. حسناء:بشوية عليييك ابنتي هىء هىء .. حياة: هىء علاش كتبكي فين ماما دوي ... راجل حسناء: لميمة لله يرحمهاا وربي يصبركم ... لكل تصدمو .. ريناد: ههه لا لا اكييد كضحك هىء هىء مايمكنش لا لا حياة سخفات .. سراب وسيف كيبكيو وشادين حياة فرمليات دخلو حياة لواحد لغرفة تما وروايدا .. ثوريا كيبكيو الخال مصدوم بخبر ختو .. رينادد بوحدها لي تبكي وتويل باقا مامتيقاش ... خرج طبيب من لغرفة ..: الا بغيتو تشوفوها لاخير مرة .. ريناد مشات كتهضر وتبكي .: ياك ماماتش ياك غا كضحك هي بلعاني دارت هادشي هىء هىء حيت خلينااها بوحدها ..ماماااااااا هىء هىء لا ميمكنش ماما ميمكنش تخلينااااا هىء هىء كلسات تبكي وتغوت وضرب
• موجود لبنات لبسو كساويهم وسيف لابس شورط خضر داك ارااك من بعييد ومشاو شدو جوج تاكسات لبحر ..وصلو لقاوه تا يغلي نمل فييه ريناد: اووه عامر بزاايد .. سيف: اجي نكلسو هنا ... حطو حوايجهم وقاد سيف بارااسول حيدو لبنات لكساوي من غير روايدا لي بغات تعوم بالكسوة و بقاو غا بالماايو .. كانت لابساه ريناد فالنواغ جاامع ليها صدرها ولابسة معااه ميني شورط دجيين قصيير وحياة فالموف مع كاش مايو و سراب دوبياس وباس فالقهوي .... مشاو كلهم فدقة خلاو غا ثوريا حاضية لحوايج .. سيف غبر .. وبدااو دراري اي جوج كيعومو كيكحزو حداهم ماكاين غير فين ازين وكل واحد ينك على لبنت لي عجباتو وخى اغلبيهم كانو على ريناد حيت اتيرااتهم فرمتها وعاد شعر لي فااازك مي لبنات ماعلابالهمش وماداينها فحد ... خرجو لبنات الا رينااد مابغاتش بقات تعوم غا راسها وخى مكتعرفش غا كتخور جااو جوج دراري الولد1 : زين مانعوموش معااك .. ريناد ماداتهاش فييهم .. الولد2: زيد زيد هاد بنت لقحبة حاسة براسها .. ريناد غا سمعات بنت لقحبة وهي تنوض .. : سير يا زااامل لي حطك مك هي لقحبة اشماتة تفو على كنس حرمتو علينا هاد لعومان .. وخرجاات ... لولد1 :غا جيتيني بنت اما غادي نوري لدين موك شماتة كيف داير .. ماداتهاش مشات فين كالسين ... ريناد: تفو على بشار ندمونا كاااع ... سراب : واش هضر معاك شي برهوش هنا راه غا شماااكريا لي شداتو لحالة يجي لهاد لبحر تا عمروه غا بلبراهش ولحشايشيا ... روايدا: هاد لمرة يا اما نعومو مجموعين كاملين ولا بلاش مافينا لي يتجاابد صداعات ... قلبو لهضرة بقاو يلعبو كارتة اما سيف منين مشى فاللول مرجعش... لبنات رجعو يعومو وريناد مابغاتش بقات تحت شميسة بغات تبرونزااا ... دوزو لعشية فظحك وتقشاب وصلات 6 وبدااات سراب : يلاه نرجعو عيييت ... روايداا: باقي لحال وباقا شميسة .. سراب: انا عييت بغيت نرتاح هاء ... ثوريا : يلاه نوضو بلا شوهة .. ناضو جمعو وعيطو لسيف ورجعو لدااار 
• فراسها خالها وراجل حسنا كيشدوها مي قدات فيهم والو ..... ثوريا: هىء ابنتي رحمي راسك ورحمي ماماك ريناد مااشي فهاد لعالام .. ريناد: هىء هىء ماما خليتها صحيحة فصيحة تا خبشة ما فيها ودبا كتقولو ليااا هىء هىء ماا ماتت لاااااا لاااا مايمكنش .... ماااامااا ... وهي تسخف ..... بعد يومااين ... ليوما نهار ثالث من لكنازة ... ريناد فاقت عينيهاا حومر ومنفوخين صوت مابقااش وبحالي مصدومة مخشية فبيت مها وسادة عليها وهادزااا بيجامة تاع مها معنقاها .. دار جو كلو بكى ولقرأن فداار ... لكل حازن ولكل بقات فيه فاطمة حيت كانت مرة طيبة وحد الان معرفوش سبب لي ماتت بيه من غير حياة والخال وماقالو لريماد والو وخى يقولو ليها وهي فهاد الحالة ماغاتسمع واالوو .... دخلات عندها سراب وجايبة ليها صينية بااش تااكل مي كيف لعادة رااافضة انها تاكل ... مهضرااتش ومقرباتش لصينية ..سراب: رحمي رااسك اختي عمتي مشات لله يرحمها وبهاد لبكى غير كنزيدو نحرقوهااا دبا خاصكي تولي قوية نتي وختك وتهزو ريوسكم ... ريناد لا رد ... سراب عرفات راسها ماغدي تكون تا نتيجة وهي تخرج ... الخال: باقي ماكلاتش ... سراب: باقي باقا نفس لوضعية ابابا 3اياام دبا ... روايداا : حياة شي حد برا بغى يشوفك حياة بصوت مبحوح : شكون .. روايدا: معرفتش .. خرجات حياة لابسة بسجاما وعينيها منفوخين .. خرجات تصدمات كان زهير ... زهير: حياة لبرااكة فرااسكم من جيهت ماماك كنت مسافر ما فخباري والو عاد سقت لخبار جيت داغي .. حياة: مامشى معاك باس اخويا ... زهير مارضاش تقول ليه خويا جاتو فشكل .. مد ليها يدو :الا حتاجيتي شي حاجة انا ديما انكون فجنبك ... حياة خلاتو بلاكة ... عائلتي فاش حتاجيتهم وماكانوش معايا عاد لبراني ... ودخلات عند ختهااا ... كلسات حدااها وريناد تكات ليها على فخاادها .. وحياة كتبكي وتلعب فشعر رينااد ..: هىء هىء نتي لي بقيتي ليا وانا لي بقيت ليك .. بابا مشى ه للول وهاهي ماماتنا مشات وخلاتنا هىء ريناد غا كتسمع مي باش تجاوب لسانها ثقيل
• حياة : نوضي احبيبتي تااكلي عفاك ماما راه ماغاديش ترجع وخى كون بقات كانت غا تعدب ربي بغا يريحهااا... ريناد هزات راسها (بصوت غير مسموع و حلقهاا مريض )ديني لقبر تاااع ماما .. حياة: وخى نديك احبيبتي وكتمسح ليها على شعرهاا .... خرجات حياة لعند خالها وقالت ليه ان ريناد بغات تزور لقبر ... مشات ثوريا لبساتها مونطو فوق بيجامتها ودارت ليها درة وخرجاتها وكلشي لعزايا كيشوفو فرينااد و فحالتها مشات حياة وريناد داهم خالهم لمقبرة .. دخلو وريناد دمعاات عينهااا... بقات كتشوف فالقبر الخال : خليها بوحدها ..حياة باست ختها فكتفها .. ومشاو كيتسناو براا ... وهي طيح ريناد ف تراب : هىء صاافي مشيتي هىء علاش .. حيت قلقناك ياك ... ياك قلتي عمرك تخلينا هىء هىء دبا شكون يبقى يقول لينا جمعو دار هىء ولا يتسخر هىء كيغادي نعيشو ونتي ماكايناش هىء يكفي بابا مشى وزتي تانتي ... مشات باست ليها راسها ريناد طاحت ليها درة وشعرها كل تحل ليها .. بقات تقرى عليها لقرأن وتبكي ... رجعات حياة وهزاتها وتاهي كتبكي ... خرجو من لمقبرة ومشاو لدار لقاو ناس كلشي مشى ناس قليلة لي بقات ... الخال: لبنات بغينا نهضرو معااكم يلاه ندخلو لبيت .. دخلات ثورياا وسراب وروايدا تاهما الخاال: مهم المرحومة لله يرحمهاااا راها ختي من لحمي ودمي ونتوما بنات ختي ومنقدرش نخليكم كتعدبو هكا قدامي ونخليكم بوحدكم ... حياة: خالي اشكتقصد ... ثوريا: يلاهو معنا سكنو معناااا وماغادي يخصكم والو قراو وبنييو داكشي لي بديتو فيه .. الخال: اه ابنياتي يلاهو معاناااا لكازا كلشي غادي يتوفر ليكم ..حياة معرفاتش باش تجاوب وكانت كتشوف فريناد لي كانت غا كتسمع مي عقلها ماشي معااهم ... ثوريا: بنتي هاا ليوماا دااز وغدااا خاصنا نرجعو ولخدمة تاع خالكم .. ومن بعد يامات اتبقاو غير بوحدكم كيغادي ديرو مع قرايتكم ولكرا واش اطيبو واش اتاكلو ... يلاهو معانااا نكونو مهنييين من جيهتكم ... حياة: هادشي خاصني نهضر فييه انا ورينااد وعارف ان ريناااد متقدرش تعيش فبلاصة خرااا الخال: مهم ابنتي هضري مع رينااد و فهميهاااا وخرج .. تبعوه ولادو مرتو مشاة يجمعو حوايجهم ... حياة: رينااد اشنو بان ليك ... ريناد جاامعة رجليها عند صدرها وكتشوف فسرجم ..تا نطقات: الا بغيتي سيري معاهم اما انا ماغاداش ... حياة: كيفاش لا بغيت مستحيييل نخلييييك بوحدك نتي لحاجة لوااحيدة لي بقيتي ليا ريناد: ايوا صافي ياك حنا لي بقينا لبعضياتنا ماتخلي حد يدخل معنااا....وهي تعنقهااا... تا نعسات ريناد فحضن حيااااة ..... بعد شهر : ريناد : حياة نوضي اختي نوضي ..
• بعد شهر : ريناد : حياة نوضي اختي نوضي ... حياة شافت ريناد لابسة : فين غاادا .. ريناد: انقلب على خدمة .. حياة: اويلي على تقلبي على خدمة ... ريناد كلسات حداا ختها: اه راه مابقى ماناكلو داكشي لي جانا فالعزو كلو سالا والخال ديك لبراكة لي صيفط سالات خلصنا بيها لكرااا...يتبع
• حياااة: ولكن ... رينااد: شوفي انا نقلب على خدمة وتا الا ملقيتش غادي نشد بلاصت ماما فالمحل .... حياة: بففف ولقرايا قربات كيغادي نديرو .. ريناد: انا نخدم ونتي قراااي .. حياة: حمقة لا هه ولهلا قالت ليك انا نقرى وهي تخدم لا احنينتي يا نقراو بجوج يا نخدمو بجوج ... ريناد: دبا خليني بعدا نلقى انا لولا عاد نشوفو نتي مهم هاني خرجت بسلامة ... خرجات كانت لابسة دجين ونشورت وجامعة شعرها ووجها بااين فيه لحزن مشات لحي كريمة كتقلب وخى غير سرباية مي مالقاتش .. وهي قاطعة طريق كانت اضربها طوموبيل وخرجات لمراا لي فيهااا .. بقات كتفحص فريناد واش وقعات ليها شي حاجة .. المرة : ياكما وقعات ليك شي حاجة .. ريناد: لا اخالتي موقع والو واصلا لافوط تاعي انا لي غادا وعقلي ماماعياش ... المرة: ايواااا دري لباال ابنتي لمرة جايا ... مشات ديك لمرة وريناد كملات طريقها وشموشات ... واالو رجعااات لداار وهي فاقدة الامل ووجها مكيتفسرش كثر ما هو ... دخلات لقات حياة متكية ومعنقة تصوريتهم مع ماماهم ... غا شافتها حياة وناضت :لقيتي شي حاجة ... ريناد: والو بقى حل واحد نهضر مع لوخرا نتشارك معها فالحانوت ... حياة: اودي ... دخلات ريتاد دوش حيت عرااقت بقوة دوراان ... وهي خارجة سمعات ختها حياة كانت كتهضر فطيلي وكتقول : الحمد لله ماسولاتش اه راه حركت كلشي .. هنا تصدمات ريناد اشنو اتكون مخبيااا عليها حياة وولات تهضر بتخبية ومعاامن اصلا .. هاد الاسئلة كانو كيدورو فراالس ريناد ... فاللحضة تفكرات ان مها ماتت وقالو بلي موتة عادية ... ولكن حاسة بلي ان فالامر ... مشات ريناد لبيت مهااا حيت ولات كتنعس تمااا بدلات لبسات بيجامااا فالغوز وشعرها فازك وهي كتفكر ان مها ماكان بيها والو ومع صدمة وديك لمدة لي كانت مرفوعة مرداتش لبااال انهم مخبين عليها شي حاجة .. واش هادشي لي مريضة بيه مها عندو علاقة بداكشي لي كانت كتقول حياة ... وهي كتمشط شعرهاا وكتحلل وتفسر غا راسها .. شوية تفكرات طيليفونها لي من نهار ماتت مها معرفات فينو ... خرجات عند حياة: فينو طيليفوني ... حياة : راه فالبيت لوخراا محطوط حدا لمرااياا ... مشات لقاتو طافي شعلاتو وخدات ويفي تاع جيران وبدااو ميسااجاات ... لكل كاان كيعظيها فمها سوا فالفايس وتا فالواتساب جاوبات على كلشي
• وهي هابطة كتسركل تا جات عينيها على طوف تاع ليث هو وحبيبتو مخطوبين .. متصدماتش ومابقاش فيها الحال بحال شحال هادي بالعكس دارت جيم وهبطات حيت ساكل لي عندها نساااوها فالليث وماجا منو .. همها هو تخدم ودبر على كيفاش يعييشو ... خرجات عند حياة .. ريناد : ماما ماتتش موتة عاادية ... حياة: اا لا موتة عادية راه قلتها ليك داك نهار .. ريناد: فاش كتكوني كتكدبي راه كنعرفك وباينة ... حياة: راكي بديتي تخرفي ... ريناد: فين هما وراق طبيب تاع ماما .. قلبت عليهم مالقيتهمش .. حياة:خضارت وحمارت : اا ايكونو غا فالماريو ... ريناد: حرقتيهم ... حياة تصدمات كيفاش عرفات
• ريناد: واااجاوبي بلا متحمقيني ماما كانت مريضة بشي مرض !!! ... حياة : ريناد عافاك بلا متعصبي حيت خبيت عليك واجي كلسي باش نعاود ليك ..ريناد:ممعصاش وكلسات حدا حياة... ريناد: هاني كلست يلاه دوي ... حياة بتردد: ما..ما كان عنها ورم فراس ..ريناد حطات يديها على فمها ودموعهااا هبطو غا راسهم ... حياة:شوت متبكييش .. مهم نهار تاني فاش كان خاصنا نتسلمو لجثة تاع ماما باش ندفنوهااا مشيت انا وخالي عند طبيب وقالينا بلي كان عندها ورم فالرااس وديجا جات عندو وكان خاصها عملية مي مادارتهااش حيت كتكلف كثر ومعندها منين دجيبهاا ..وعطاها غير شي مسكنات باش يهمدو ليها لحريق لي كاان عاطيها فراس .. تا نهار كان جايا من لخدمة وطاحت فزنقة وفاش داوها لقاو ان لورم نتاشر فشي مناااطق وميقدروش يحدوه وفاش كانو كيتسناونا باش نجيو باش ياخدو موافقة تاعنا على قبل لعملية ويفهمونا ان وخى دير لعملية وحيدوه ولكن راه نتاشر فاللحضة وقعاات ليها ازمة وهي كومة لي تسبابات فموتها .. حياة كتعاود وهي كتبكي .. وريناد غا مصدومة وعينيهااا غا كيدمعو وداك جرح تاع انها تفقد مها لي عمرهااا تنساه وباقي ماابرااا عاود تجدد وخى فهاد شهر حاولو انهم يقويو ريوسهم ... ريناد:هىء هىء علاش ماقالت ليناا والو .. كان عليها تعلمنا هىء هىء علاش هادشي علاش مكتوب علينا نعيشو بلا واليدينا ... بابا هىء مشى وخلانااا هىء ودبااا ماما علاش (بالغواات) علاااااااااش علاش وبدات تضرب فراسها جااتها هيستيرية بقات تندب فراسها .. تا سخفات لحياة تما ولي حاولات تهدنها مي والو .. حياة معرفات مااادير جابت لمااا .. رشاااتو عليها جابت لبصلة .. والو .. هنا عيطات على حسنااء وداوها لمستعجلات ... دخلوها .. وحياة كترعد هي خايفة كثر ....من بعد ربع ساعة خرج الدكتور .: الانسة جاها انهيار عصبي خااصهاا الراحة ومتقلقش وكتب ليها شي دوااا : هادا خااصوو تشربو جوج حبات فصباح ....بالشفااء .. حياة:شكراا دكتور واش ممكن دخل عندها .. دكتور:وي رااها فاقت .. مشات حياة طيارة دخلات عند ختها .. كانت ريناد فاقت وكالسة كتشوف فسقف محسات لا بشكون دخل لا تاحاجة تا بدات حياة تبوس فيها وتقول ليها : اخيير مرة ديري هاكا هىء هىء .. رينادضحكات ضحكة خفيفة لي خلات حفيرة تااع زين تباان ..: ماتخافيش راني لاصقة فيك ..حياة: خلعتيني عليك 😒 ريناد: وصافي براكة من لغباشة بقاات حياة ليل كاامل مع ريناد وكلاتها وحسناء تاهي بدورها كجارتهم ومعندهم حد وقفات معااهم ..صبح صباح ... جاا دكتور عند....#يتبع